დამოუკიდებელი სკოლა „მოძღვარის“ I კლასის მოსწავლეები და საბავშვო ბაღ „მოძღვარის“ აღსაზრდელები დეკორატიული მცენარეების სანერგე გარდენიაში. საგანმანათლებლო მიმართულება-„მწვანე გაკვეთილი პატარებისთვის“ მასტერკლასი თემაზე- „როგორ უნდა მოვუიაროთ ოთახის მცენარეებს“
დამოუკიდებელი სკოლა "მოძღვარის" II-III კლასის მოსწავლეები გარდენიას სტუმრობდნენ. ბავშვებმა დაათვალიერეს ულამაზესი სათბური და მცენარეები, "მწვანე გაკვეთილზე" კი თავიანი ხელით შეღებეს და "დეკოტაჟით" მორთეს ქოთნები, ბოლოს მცენარეები ჩარგეს და მიიღეს ინფორმაცია მათი მოვლის შესახებ.
დამოუკიდებელი სკოლა "მოძღვარის" IX კლასის მოსწავლეებს კომპანია "იფქლმა" თავის განახლებულ საწარმოში უმასპინძლა. სკოლის მოსწავლეების ტურს კომპანიის მთავარი ტექნოლოგი, გელა კოდალაშვილი, გაუძღვა. მან ბავშვებს პურისათვის საჭირო ინგრედიენტები "იფქლის" უახლეს ლაბორატორიაში გააცნო და მათ შეკითხვებსაც უპასუხა. თეორიული ინფორმაციის მიღების შემდეგ გელა კოდალაშვილმა მოსწავლეებთან ერთად საწარმოში გადაინაცვლა, სადაც "იფქლის" პურეულის მომზადების თითოეული ფაზა, ფქვილის გაცრიდან, გამომცხვარი პურის მიღების მომენტამდე, მოსწავლეებს თავად გააცნო
თსუ-ს საბავშვო უნივერსიტეტში ასტრონომიის სალექციო კურსს დაესწრნენ დამოუკიდებელი სკოლა "მოძღვარის" მოსწავლეები.სალექციო კურსს უძღვებოდა პროფესორი: შალვა საბაშვილი. მოსწავლეებს საშუალება მიეცათ დაეთვალიერებინათ თსუ-ს პლანეტარიუმი
დამოუკიდებელი სკოლა მოძღვარის XI-XII კლასის მოსწავლეებმა საგანმანათლებლო რესურს ცენტრში,საინფორმაციო ტურში მიიღეს მონაწილეობა. ისინი შეხვდნენ საგნობრივი ჯგუფის წარმომადგენლებს და მიიღეს ამომწურავი ინფორმაცია აქტუალურ საკითხებზე.
დამოუკიდებელი სკოლა "მოძღვარის" წარჩინებული მოსწავლეებისათვის მოეწყო ლაშქრობა, შემდეგი მარშუტით: მეტეხის პლატო, აბო თბილელის ნიში, მცირე ეკლესია, აბანოთუბანი კალა, წავკისის ხევი (ლეღთვახევის კანიონი), სომხური ტაძარი, სინაგოგა, ჯუმა მეჩეთი, ბოტანიკური ბაღი და ნარიყალას ციხე.
Blooms-ყვავილების მაღაზიის ფლორისტებმა თეორიული და პრაქტიკული მეცადინეობა ჩაუტარეს ბავშვებს.ისაუბრეს ყვავილებზე,მცენარეებზე,დარგეს რამდენიმე სახეობის ყვავილი და ასევე ჯეჯილი დათესეს წინასააღდგომოთ. უყურეს საინტერესო და სახალისო ვიდეოებს ყვავილების შესახებ და რაც მთავარია ბავშვებმა თავიანთი ხელით ააწყვეს თაიგულები დედიკოებისთვის დღის ბოლოს I კლასის მოსწავლეებმა დედის დღესადმი მიძღვნილი ღონისძიება წარმოგვიდგინეს.
ჩვენს მოსწავლეებს კითხვა ძალიან უყვართ, ამიტომ ისინი დაინტერესდნენ, თუ როგორ იბეჭდება და როგორ იღებს წიგნი საბოლოო სახეს. V-VI კლასის მოსწავლეები სტამბას ესტუმრნენ. დაათვალიერეს სასტამბო დანადგარები (საჭრელი, დამასხივებელი, ასაკინძი და ა.შ.) მათ ასევე ნახეს პროცესი, თუ როგორ იბეჭდება სარეკლამო ბანერები და ფლაერები, ბრენდული ჭიქები და ა.შ. დღის ბოლოს კი სტამბამ მათ სამახსოვრო წიგნები გადასცა.
შავი ზღვის საერთაშორისო უნივერსიტეტის კომპიუტერული ტექნოლოგიებისა და საინჟინრო საქმის ფაკულტეტის მიერ ორგანიზებული ღონისძიების "პროგრამირების დღე IBSU-ში" ფარგლებში IX-X კლასის მოსწავლეებს ჩაუტარდათ პრაქტიკული ტრენინგი, გაეცნენ პროგრამირების ისტორიასა და საფუძვლებს,. მათ დაწერეს მარტივი, სახალისო პროგრამები ვიზუალური პროგრამირების საშუალებით. შეიტყვეს ქართულ ბაზარზე ყველაზე პოპულარული და მოთხოვნადი პროგრამირების ენების შესახებ. დაათვალიერეს უნივერსიტეტის ინფრასტრუქტურა და გაიგეს იმ შესაძლებლობების შესახებ, რომლის მიღებასაც შეძლებენ IBSU-ში სწავლის შემთხვევაში. ღონისძიების დასკვნით ნაწილში მონაწილეებს შორის გაიმართა შეჯიბრი წინასწარ განსაზღვრული ამოცანის სწრაფად და სწორად შესრულებაში. გამარჯვებულებსა და მონაწილეებს გადაეცათ სიმბოლური პრიზები და სერთიფიკატები
დამოუკიდებელი სკოლა "მოძღვარის" მოსწავლეები დღეს სტუმრობდნენ თავისუფალ და აგრარულ უნივერსიტეტს. მოსწავლეებს მიეცათ საშუალება გაცნობოდნენ : საბუნებისმეტყველო დარგის მუზეუმს,კამპუსის ბიბლიოთეკას,ქიმიის,ბიოლოგიის,ფიზიკის,ინჟინერიის და კომპიუტერული მეცნიერებების ლაბორატორიებს, ასევე დაათვალიერეს კულინარიული აკადემია. ყოველივე ზემოთ აღნიშნულმა დიდი ინტერესი და მოწონება დაიმსახურა.
